جماهير الرجاء والوداد تتحد بالدارجة: شغف بلا شغب

0

نشرت إلترا sud الرجاوية و إلترا nord الودادية بلاغا مشتركا باللغة الدارجة، نددا فيه بأحداث العنف التي شهدتها بعض المناطق بالدار البيضاء و دار بوعزة، مشددين على أن المنافسة بين الغريمين الوداد والرجاء يجب أن تبقى داخل رقعة ملعب كرة القدم.

فيما يلي نص البلاغ:
“من ديما كانتغناوا بلي الحركية كانت هي المتنفس وهي لي كاتخلينا نعيشوا الشغف ديالنا بما يرضي الله. إلا أننا مؤخرا ولينا كانشوفوا أحداث لا علاقة ليها بالحركية ولات عوض أنها تحيينا كاتقتلنا، أحداث لي أي عضو أولترا مايمكنش يقبل بيها و مايمكنش يسمح ليها تولي جزء من الموفمون لي كانعيشوه، حيث الموفمون أكبر وأنقى من أنه يتوسخ بتصرفات بحال هادي و يتلطخ بدماء العقاب ديالها قدام الخالق صعيب نتصوروه.

قلنا و مازال غا نقولوا بلي المنافسة خصها تبقى فالتيران، بلي المنافسة خصها تكون شريفة حيث هاداك هو السبيل الوحيد باش نحافظوا على حركية نقية ، باش نعيشوا شغف بلا شغب، باش الوالدين يبقاو هانيين على أولادهم و باش الدم يبقى كايجري فالعروق عوض يسيل من الجرح.. و ماشي كاع الجروح كايتخيطوا.

حنا كلنا ملزومين باش نتاقيو الله فبعضياتنا وفريوسنا ووالدينا . الغروبات حاولوا و مازال كايحاولوا يديروا قطيعة مع أعمال الشغب لي كاتجرنا لحوايج تا واحد فينا ما باغيها ، ولكن كل مرة كانلقاو بلي لي درناه ماكافيش.
و هادشي علاش هاد المرة خصنا نكونوا أكثر صرامة وأكثر مسؤولية من قبل و نلتزموا التزام حقيقي بالقرارات لي غادي نخرجوا بيها فالمستقبل القريب.

خص الأعضاء من جهتهم كذلك يثبتوا بلي أحداث الشغب ما هي إلا استثناء و ماشي قاعدة فالحياة ديال المومبر و التعبير ديالهم على الانتماء للغروب مايكونش بالبرودويات فقط و يكون بتطبيق الأمور لي غانتفقوا عليها الا كنا بصح بغينا نكونوا فأجواء لي تنقي و تخلينا نعيشوا الموفمون أولترا ماشي يقتلنا موفمون ماعرفناه شنو هو.
حركية نقية، شغف بلا شغب.”

قد يعجبك ايضا المزيد عن المؤلف

اترك رد

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.