دفاعاعن أحمدبريجة

يوسف الساكت

0

ماشي اول مرة كتوقع حادثة سير في كازا وفي المغرب… للي كيسوق حديدة كيفما كانت اليوم في كازا معرض للخطر، وللي غادي على رجليه معرض للخطر وسط الفوضى التي تعرفها المدينة…!!!

ماشي فقط انك برلماني ومنتخب ورئيس لجنة ونائب رئيس مجلس العمالة خاصك تكون معصوم من الخطأ…

!! الآفات كتوقع ليك وليا ولينا كاملين والله يحد الباس…

احمد بريجة من يعرفه عن قرب لا يؤذي ذبابة والأحرى بشرا من دم ولحم… وللي شاف حالتو بعد الحادثة يبقا في العدو… لانه مضروب ومقصح وناعس في الإنعاش في سبيطار عمومي، وكيسول كل ساعة على الحالة الصحية للشاب الضحية ورسل الناس قراب منو للمصحة، حيث يرقد الضحية، وللاسرة ديالو باش يعتذر منه ومنهم…وعبر عن استعداده يتكلف بكل شيء، رغم ان السيارة تخضع للتأمين…

السيد كيعيش الألم المزدوج:.. الألم ديالو لانه كلاها في صحتو، والألم ديال الشاب وللاسرة ديالو.. لانه حتى هو اب وكيحس كيف كيحس اي اب وام تعرض ولدو لحادثة سير…

واش احمد بريجة ناض في الصباح وقرر انه غادي يدير كصيدة ويضرب شاب بريء؟ واش السيد حمق باش يأذي الناس بهاد الطريقة… السيد كان غادي الخدمة ديالو باعتباره رئيسا للجنة المرافق بمجلس المدينة.. ووقعت ليه حادثة سير كيف يمكن توقع لأي واحد منا…

فحشومة نخرجو العجب في هاد الراجل.. ونبقاو نشيرو بالاتهامات الباطلة ونشرو اخبار الاعتقال والموت للي اصلا مكيناش، ونبقاو نشوهو في الناس في الباطل…

للي وقع لأحمد بريجة وداك الشاب المسكين يمكن يوقع لاي واحد منا.. وديك ساعة غادي تحس ما حس بيه الرجل وهو على فراش المرض والاصابة…

للي كيعرف بريجة غادي يعرف انه رجل حقاني… وكون كاع ومات الشاب هو للي غادي يمشي عند وكيل الملك ويطلب منو تطبيق القانون وراسو مرفوع…

اتقوا الله في عباد الله!!!؟

قد يعجبك ايضا المزيد عن المؤلف

اترك رد

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.