حرب طاحنة اشتعلت بين رئيس الرجاء و “الغرين بويز”…

وجه “الغرين بويز” الفصيل المساند للرجاء الرياضي، كلاما واتقادا شديد اللهجة، ردا على الخرجة الإعلامية الأخيرة لرئيس الفريق رشيد الأندلسي.

وكان رشيد الأندلسي، رئيس فريق الرجاء الرياضي، قد انتقد جماهير الرجاء، وأكد أنها لم تساهم في حل ازمة الفريق الأخضر عند انتشار جائحة كورونا.

وأكد الأندلسي أنه المكتب المسير عند طرحه لتذاكر افتراضية وبطائق الاشتراك، لم تتفاعل معها الجماهير من أجل المساهمة في حل ازمة الفريق الأخضر.

نص بلاغ الغرين بويز كاملا:

ﺇﻟﻰ ﻣﺎ ﻳﺴﻤﻰ ” ﺍﻟﺮﺋﻴﺲ ﺍﻟﻤﺆﻗﺖ”
ﻋﻄﻴﺘﻲ 8 ﺃﺷﻬﺮ ﻣﻦ ﺣﻴﺎﺗﻚ ﻟﻠﺮﺟﺎﺀ، ﻛﺎﻳﻦ ﻟﻲ ﺿﺮﺑﻬﺎ ﻏﺎ ﺣﺒﺲ، ﺑﺎﺵ ﻋﺎﻭﻧﺘﻲ ﺍﻟﻔﺮﻗﺔ ﻧﺘﺎ ﺑﺎﺵ ﺗﻘﻮﻝ ﺍﻟﺠﻤﻬﻮﺭ ﻣﺎ ﻋﺎﻭﻧﺶ ﺍﻟﻔﺮﻗﺔ ؟
ﺟﻤﻬﻮﺭﻫﺎ ﺭﺍﺱ ﻣﺎﻟﻬﺎ، ﻫﻮ ﻟﻲ ﻣﺎ ﻫﺒﻄﺶ ﻳﺪﻳﻪ ﻣﻦ ﻟﻲ ﺑﺪﺍﺕ ﺍﻷﺯﻣﺔ ﻟﺪﺍﺑﺎ، ﻣﺎﺷﻲ ﻛﺎﻧﻤﻨﻮ ﻋﻠﻰ ﺍﻟﻔﺮﻗﺔ ﻭﻟﻜﻦ ﺭﺍﻩ ﻣﺎﺷﻲ ﻧﺘﺎ ﻟﻲ ﺷﺮﻳﺘﻲ ﻭﺭﺍﻕ ﺃﻳﺎﻡ ﺍﻟﻮﻳﻜﻠﻮ، ﻣﺎﺷﻲ ﻧﺘﺎ ﻟﻲ ﻛﻞ ﻋﺎﻡ ﻛﺎﺗﺪﻳﺮ ﺑﻄﺎﻗﺔ ﺍﻹﺷﺘﺮﺍﻙ، ﻣﺎﺷﻲ ﻧﺘﺎ ﻟﻲ ﻛﻨﺘﻲ ﻛﺎﺗﺪﺧﻞ ﻟﻠﺘﻴﺮﺍﻥ ﺑﺨﻤﺴﻴﻦ ﺩﺭﻫﻢ، ﺃﻛﻔﺲ ﻣﻦ ﻫﺎﺩﺷﻲ، ﻣﺎﺷﻲ ﺣﺘﻰ ﻧﺘﺎ ﻟﻲ ﺟﺒﺘﻲ ﻃﻴﺎﺭﺓ ﻟﺰﺍﻣﺒﻴﺎ، ﺑﻞ ﺍﻟﻤﺠﻤﻮﻋﺎﺕ ﻭﺍﻟﻤﻨﺨﺮﻃﻴﻦ، ﺍﻟﺠﻤﻬﻮﺭ ﻳﻜﻔﻴﻪ ﺃﻧﻪ ﻣﺎﺷﻲ ﺳﺒﺐ ﻣﻬﺰﻟﺔ ﺗﻮﻧﻐﻴﺖ، ﻫﺎﺩﻳﻚ ﺑﻮﺣﺪﻫﺎ ﺧﺎﺻﻚ ﺗﻘﻠﺐ ﺑﺴﺒﺒﻬﺎ ﻋﻠﻰ ﺍﻟﺸﺄﻥ ﺍﻟﺮﻳﺎﺿﻲ.

ﻧﻬﺎﺭ ﺍﻹﺟﺘﻤﺎﻋﺎﺕ ﻟﻲ ﺗﺪﺍﺭﻭ ﻣﻊ ﺍﻟﻤﺠﻤﻮﻋﺎﺕ ﻋﻠﻰ ﻭﺩ ﺗﺴﻴﻴﺮ ﺍﻟﻔﺮﻗﺔ، ﻛﻨﺘﻲ ﻛﺎﺗﺪﻭﻱ ﺑﺤﺎﻝ ﺍﻟﻜﻠﺐ، ﻭﺻﻠﻮ ﺍﻟﻔﻠﻮﺱ ﺑﺎﻧﻮ ﻧﻴﺎﺑﻚ، ﺧﺼﻮﺻﺎً ﻧﺘﺎ ﻋﺎﺭﻑ ﺩﻭﻧﻮﺭ ﻣﺴﺪﻭﺩ، ﺃﻣﺎ ﻛﻮﻥ ” ﺻﺪﻋﻮ ﻟﻴﻚ ﺭﺍﺳﻚ “.

ﻋﻼﺵ ﺗﺤﺴﺐ ﻟﺮﺍﺳﻚ ﻫﺎﺩ ﺍﻟﻜﺄﺱ، ﻭ ﻣﺎﺗﺤﺴﺒﺶ ﻟﺮﺍﺳﻚ ﺩﻳﻮﻥ ﺃﻏﻠﺐ ﻫﺎﺩﻭﻙ ﻟﻲ ﻣﺸﺎﺕ ﻋﻠﻴﻬﻢ ﻣﻴﺰﺍﻧﻴﺔ ﻑ ﺍﻟﻨﺰﺍﻋﺎﺕ، ﺣﺘﻰ ﻟﻲ ﻣﺎﻛﻨﺘﻴﺶ ﻓﺎﻟﻌﻬﺪ ﺩﻳﺎﻟﻮ ﺭﺋﻴﺲ ﺭﺍﻙ ﻛﻨﺘﻲ ﻑ ﺍﻟﻤﻜﺘﺐ.

ﺍﻟﻌﺎﻡ ﻟﻲ ﻗﺒﻞ ﻭﺻﻠﻮ ﺍﻟﺒﻄﺎﻗﺎﺕ ﻝ 13000 ﻋﻼﺵ ﻑ ﻧﻈﺮﻙ ﻫﺎﺩ ﺍﻟﻌﺎﻡ ﻭﺻﻠﻨﺎ ﻏﻴﺮ ﻟﺜﻠﺚ ﻫﺎﺩ ﺍﻟﻌﺪﺩ، ﺣﻴﺖ ﺍﻟﺜﻘﺔ ﻓﻴﻚ ﻣﺎﺑﻘﺎﺗﺶ ﻋﻨﺪ ﺍﻟﺮﺟﺎﻭﻳﻴﻦ، ﻭﻛﺎﻧﻌﺪﺭﻭﻫﻢ ﺣﻴﺖ ﻣﻠﻲ ﻛﺎﺗﺸﻮﻑ ﺭﺋﻴﺲ ﻛﺎﻳﺼﺮﺡ ﺑﺤﺎﺟﺔ ﻭ ﻣﻮﺭﺍ 3 ﺃﻳﺎﻡ ﻛﺎﻳﻄﺮﺍ ﺍﻟﻌﻜﺲ ﺭﺍﻩ ﺑﺎﻳﻨﺔ ﻫﺎﺩ ﺍﻟﺮﺋﻴﺲ ﻣﺎ ﺩﺍﺭ ﺣﺘﻰ ﺣﺎﺟﺔ ﺑﺎﺵ ﻳﺂﻣﻦ ﺑﻴﻪ ﻭﻻ ﻳﺘﻴﻖ ﺑﻴﻪ ﺑﻨﺎﺩﻡ ﻳﻌﻄﻴﻪ ﺭﺯﻗﻮ ﻓﺎﻟﺘﺬﺍﻛﺮ ﻟﻲ ﺟﺎﻭ ﻣﻦ ﺑﻌﺪ، ﻧﻬﺎﺭ ﺗﻤﺸﻴﻮ ﺟﻤﻬﻮﺭ ﺍﻟﺮﺟﺎ ﻏﺎﺩﻱ ﻳﺪﻳﺮ 20 ﺃﻟﻒ ﺑﻄﺎﻗﺔ.

ﻛﻨﺘﻲ ﻛﺎﺗﻘﻮﻝ ﺗﻀﺮﺭﻧﺎ ﻣﻦ ﻏﻴﺎﺏ ﺍﻟﺠﻤﺎﻫﻴﺮ، ﺑﻼﺻﺔ ﻣﺎ ﻧﺘﻮﺽ ﺗﻠﻘﻰ ﺻﻴﻐﺔ ﺗﻬﺒﻂ ﺑﻬﺎ ﺍﻟﺼﺎﻟﻴﺮﺍﺕ ﺍﻟﺨﺮﺍﻓﻴﺔ ﺩﻳﺎﻝ ﺷﻲ ﻟﻌﺎﺑﺔ ﻣﺎﻳﺴﺘﺎﻫﻠﻮ ﺣﺘﻰ ﺍﻟﺮﺑﻊ، ﺍﻻﺳﺘﺮﺍﺗﻴﺠﻴﺔ ﺍﻟﻮﺣﻴﺪﺓ ﻟﻲ ﻟﻘﻴﺘﻲ ﻫﻲ ﻟﻌﺐ ﺩﻭﺭ ﺍﻟﻀﺤﻴﺔ ﻭ ﺍﻟﺒﻄﻞ ﻑ ﻧﻔﺲ ﺍﻟﻮﻗﺖ.

ﺍﻣﺎ ﺍﻟﻤﻨﺨﺮﻃﻴﻦ، ﻋﻤﺮﻫﻢ ﻧﺘﺎﻓﻀﻮ، ﺍﻟﻠﻬﻢ ﻗﻀﻴﺔ ﺍﺟﺘﻤﺎﻉ ﻗﺎﻟﻮ ﺑﻠﻲ ﻋﻠﻰ ﻭﺩ ﺍﻻﻧﺘﺪﺍﺑﺎﺕ ﻟﻜﻦ ﻑ ﺍﻟﺤﻘﻴﻘﺔ ﻛﺎﻥ ﻏﻴﺮ ﻟﻠﻤﻄﺎﻟﺒﺔ ﺑﺎﻟﺤﻀﻮﺭ ﻑ ﺍﻟﻨﻬﺎﺋﻲ، ﺍﻟﻨﺘﻴﺠﺔ ﻗﺪﺍﻣﻜﻢ : ﺻﻤﺖ ﺍﻟﻤﻨﺨﺮﻃﻴﻦ ﻭ ﻭﺣﺪﻳﻦ ﺃﺧﺮﻳﻦ ﻛﺎﻳﻘﻠﺒﻮ ﻋﻠﻰ ﻣﻨﺎﺻﺐ ﻣﺴﺘﻘﺒﻠﻴﺔ ﻭ ﻭﺣﺪﻳﻦ ﻟﻄﺎﻟﻤﺎ ﻫﺎﺟﻤﻮ ﺍﻟﺮﺅﺳﺎﺀ ﺍﻟﺴﺎﺑﻘﻴﻦ ﺳﻜﺘﻮ ﺩﺑﺎ ﺑﺤﺎﻝ ﺇﻻ ﺍﻟﻨﺎﺩﻱ ﻣﺎﻛﺎﻳﻌﻴﺶ ﺣﺘﻰ ﻣﺸﺎﻛﻞ.

ﻣﺎ ﺑﻘﺎ ﻋﻨﺪﻙ ﻣﺎﺗﺰﻳﺪﻧﺎ ﻣﻦ ﻏﻴﺮ ﺍﻟﻤﻮﻧﺘﻴﻒ.