“بيدوفيل الشاطئ”..الجريمة من زواية الحقيقة

“بيدوفيل الشاطئ” بـ مخيم أناسي، صاحب الفيديو الذي أشعل الغضب والاستنكار، لم يكن مجرد مشهد واحد بل تضمن مشاهد متوالية لجريمة مروعة، أثارت تفاصيل الحادثة استياء الجميع، وسرعان ما بدأ البحث عن هذا الوحش الذي أفسد على هؤلاء الأطفال براءتهم وأفسد مستقبلهم.

التحقت الأجهزة الأمنية بالتحقيقات الفورية للقبض على المتهم وتقديمه للعدالة وبعد جهد مضنٍ، تمكنت من الإطاحة بالجاني وكشف هويته.

لكن ردود الأفعال إن أجمعت على إنزال أشد العقاب، على هذا الوحشي الأدمي، فإن قراءاة الجريمة إختلفت من زاوية إلى أخرى، ومن بين القراءات التي وجب الوقوف عنها، ما كتبه عزيز مومن الكاتب الاقليمي لحزب الحركة الشعبية بعمالة مقاطعات ابن امسيك، حيث نبه عزيز مومن إلى زوايا خطيرة احاطت بالجريمة إن لم نعالجها صنصطدم بواقع يعشش فيه هؤلاء المجرمون.

فكتب عزيز مومن تغريدة على حسابه الخاص بموقع التواصل الاجتماعي الفايسبوك، هذا مضمونها:

“بالنسبة لهداك المجرم اللي تعدى على الوليدات فالبحر بالجديدة بصفة رئيس جمعية رياضية ….كلشي هضر على الموضوع وكلشي استنكر الجريمة …ولكن النقطة المهمة اللي ما هضر عليها حتا واحد وهيا كفاش بانو هاذ المجرمين اللي كيستغلو العمل الجمعوي باش يتكرفصو على وليدات الدراوش ؟؟؟؟”

“حنا وحنا صغار استافذنا من الجمعيات المحترمة فدور الشباب سواء اللي كانت عندها توجهات سياسية ….شحال ديال الشباب تصقلات الموهبات ديالهم غير من خلال الجمعيات سواء في الموسيقى أو الشعر أو المسرح أو حتا الرياضة ….”

السبب الرئيسي في ظهور بحال هاذ المجرمين هوما بعض المنتخبين …..اللي نجح فشي انتخابات كيبغي يدير عروق وسط الأحياء كينوض يجمع ثلاثة ولا خمسة تاع الشمكارا كيجمع من عندهم ليكارت وها هوما ولاو جمعية ….كيبداو يستافدو من المال العام ….منحة من مجلس المدينة بالملاين …منحة من الجهة ..منحة من مجلس العمالة …منحة من مجلس المقاطعة …منحة من المبادرة تاع التنمية ….مساعدات من المحسنين …..”

“الا كان المنتخب دو مالي كيخليهم يغمسو فدوك الفلوس بوحدهم مقابل التبعية التامة ليه ..والا كان باقي مكرد خاصهم ياخذو الثالثة ويعطيوه الثلثين ….”

“المصيبة هيا الناس اللي كيعطيوهم الترخيص ما كيسولو عليهم لا واش قارين ولا مؤطرين ولا مربين ولا والو …المهم راهم من طرف فلان… ونهار الحملة راهم غادين يخرجو يتحيرو فالزنقة معاه ….فالوقت اللي كاين شباب بحال الذهب باغي غير يتحرك و يأطر وليدات الناس ولكن منين يدوز !!!!!”

“ما غاديش نطلب من المسؤولين يوقفو هاذ الشي حيت انا فاهم الفيلم مزيان …غادي غير نكول للعائيلات عرفو معامن كتعاملو وفين كتصيفطو وليداتكم ……
مع احترامي وتقديري للجمعيات الجادة المحترمة واللي كنعرف بزاف من الناس دوالها واللي كيجبدو من جيوبهم باش يفرحو وليدات الدراوش …..”